Light of the world, Forever Reign!

Maligayang araw po ng mga ama sa IYO, PINAKA-DAKILA at PINAKA-MAPAGMAHAL na DIYOS AMA namin!

Nagagalak ako na marinig ang munting tinig sa mga hindi ko inaasahang mga pagkakataon. Ang pasubali NYA: ”Anak, ngitian mo ang kapatid mo”…. na hindi ko naman kakilala ang ibang-lahing aking kasalubong habang ako’y naglalakad. ”Anak, magpasalamat ka”… nang sabihin sa akin ng isang estranghero na maganda ang aking pagkakayumanggi bagamat sa tingin ko’y higit na kagandahan ang kanyang kaputian.  ”Anak,  tanungin mo rin sya kung kumain na sya”… tanghali nang tanungin ako ng gwardiya sa aking pinagtratrabahuhan kung ako ay nananghalian na.  Mga simpleng pangungusap na batid kong sa AMA nagmula… kung kaya’t namamalayan ko na lamang ang aking pagsunod sa KANYAng munting tinig na nkapagdulot ng akin ng kagalakan at batid kong nkapaghatid rin ng galak sa aking kapwa. Hinahanap-hanap ko ang tinig NYA, naghahanangad ako na marinig SYA. Ngunit aking napag-alaman… tuwing payapa ang aking damdamin at walang laman ang aking isipan… dun SYA nakakapasok at nangungusap.  BUHAY ANG DIYOS! Hinahanap-hanap ko ang tinig NYA, naghahangad ako na marinig SYA.  Opo’t maraming beses na NYAng ipinadama sa akin ang KANYANG presensya, ang KANYANG wagas na pagmamahal, ang KANYANG kahiwagaan at kapangyarihan. Subali’t sadyang walang katapusan ang KANYANG paglalahad ng KANYANG sarili sa anak NYANG naghahangad na lubos SYAng makilala.  Puspos ako ng galak AMA ko, nawa nga ay maging tapat at makatotohanan kami sa paghahangad naming makilala KA at sa pagtanggap ng INYONG kalooban, sa ngalan ng Panginoong Hesus at sa pamamagitan ng Espiritung Banal.

O Kay buti ng AMA, kay dakila NIYA. Sa KANYANg pagmamahal, walang humpay ang KANYAng alay. Sa KANYANG pagpapahalaga sa lahat ng nilalang NYA walang tugot sa pagmamahal, walang sawang nagpapatawad. Ang tao’y walang timbang, kung tutuusin walang kahalagahan. Subalit pinapahalagahan ng AMA sa bawat araw. Pinakikita NYA ang KANYANG paglingap, pinadadama NYA ang KANYANG pagpapahalaga. Subalit mga mahal Ko, ilang mga nilalang ang tuwirang sa KANYA ay kikilalang ganap.

Sa malao’t madali, ang gawa ng AMA ay walang kawangis. Sa buong panahon gumagawa SYA ng kakaiba sa lupa. Nagpapatunay SYAng SIYA’y DIYOS na dakila. Nagpapatotoo SYAng SIYA’y mahiwaga. Nagpapasilay SIYA ng ganap na katotohanan. Nagpapabatid SYA ng ganap na karunungan. Subalit ilan kaya ang tatanggap at ilan ang tuwirang makakakilalang ganap.

Ilan kaya ang magtitiwala na may taong ginagamit. Na may taong nagpapadama ang DIYOS kung paano SIYA nalulumbay, nanghihinayang, napopoot, at tuwirang nagmamahal. Paano mapapatotohanan ng lahat ng tao na ang DIYOS ay BUHAY, kumikilos ng hindi nakikita, gumagawa ng hindi nakikita, nag-aabot ng lahat ng kailangan na hindi namamalayan. Ang DIYOS ay dakila. Ang DIYOS ay mahiwaga. Sa KANYANG kahiwagaan at kadakilaan, mayroon SYAng ginagawa na hindi kayang liripin ng isipang tao, na hindi kayang unawain ng taong damdamin. Subalit kaya may Espiritu, upang ipabatid at ipaunawa kung bakit dakila at mahiwaga ang DIYOS.

~ June 10, 2010

Sa DIYOS ako matutulog. Sa DIYOS ako mahihiga. Sa DIYOS ako gigising. Sa DIYOS ako babangon. Sa DIYOS ang lahat sa buhay ko.

Panginoon ko at Diyos ko, huwag MOng iwanan ako. Yamang natanggap ko na kung ano IKAW at sino KA, manahan KA sa akin bilang Espiritu. Panginoon ko at Diyos ko, huwag MO ng ibalik ang pagkatao ko. Nawa ay talinong mula sa IYO at hindi ang talinong pang-lupa ang maghari  sa bawat pagsusuri ko ng mga salitang ibinababa MO. Ave Maria Puricima.

Ang sabi ng AMA:  kapag nakilala mo AKO, damhin mo AKO.  Pag nadama mo AKO, suriin mo AKO.  Kapag nasuri mo AKO… makikitang lubos mo AKING magagawa sa iyo.

Sinabi ni Yahweh sa aking Panginoon, “Maupo ka sa kanan ko, hanggang lubusan kong mapasuko sa iyo ang mga kaaway mo.”

KAPS’ Recollection, December 12, 2009.  Ang KAPS ay grupo ng kalalakihan na sa pag-aakay ng Panginoong Hesus at ng Espiritung Banal sa katauhan ni Apo Conching ay nag-babahagi ng kanilang mga sarili upang makibahagi sa gawaing itinanyag ng AMA sa dakong ito. Tulad ng nabanggit sa akin ng mahal na Apo Conching, bagamat pinakamahirap akayin ang lalaki, AMA ang kumilos upang ang mga kalalakihang ito ay maakay sa landas ng katotohanan, ang daan ng ating Panginoong Hesus.  O kay sarap silang masilayang nagpupuri, nananalangin, nananalig at nananampalataya sa ating DIYOS na BUHAY. Kalugod-lugod sa AMA, nawa’y tularan sila ng bawat kalalakihan sa mundong ating kinatatayuan.

Papuri’t pasasalamat po sa inyo DIYOS AMA, DIYOS ANAK, at DIYOS ESPIRITU SANTO sa patuloy na pag-gabay NYO sa gawaing itinindig nyo sa aming kapanahunan sa katauhan ng aming mahal na Apo Conching. Salamat po sa iba’t ibang pag-aatas sa iba’t ibang katauhan. O kay palad po naming mga ginagamit NYO para ibahagi ang katotohanang BUHAY KAng totoo. Sa likod ng mga pasakit at pagsubok sa mundong ibabaw, may galak at kapayapaan kaming nakakadama ng INYOng pagkalinga. O anong ginhawa namin AMA, na hindi KA man nakikita ng dalawa naming mga mata,  binigyan MO kami ng pandama upang madama KA sa aming mga buhay. Panginoong Hesukristo, aming tagapagligtas, maraming maraming salamat po sa hindi Nyo pag-iwan sa aming mga tabi lalong lalo na sa mga oras na kami ay nanghihina’t bumibitiw sa Iyong pagkakahawak. Dama po namin Panginoon ko, na tuwing lumuluwag ang aming pagkakahawak, ang mga kamay Mo’y humihigpit upang kami sa iyo’y huwag mawalay… salamat po Panginoong Hesus… maraming salamat po. O Banal na Espiritung aming gabay, ang bawat pasubali Mo’y sadyang puro katotohanan, na kung nanamnamin ay magdudulot ng kagalingan at kabusugan sa bawat kaluluwang tumatanggap. Pasubaling walang pagkabula, mga salitang AMA ang nagbaba sa ngalan ng Mabathalang Awa. Walang hanggang papuri’t pasasalamat sa DIYOS AMA, DIYOS ANAK, DIYOS ESPIRITU SANTO. Ave Maria Puricima!